Viðskipti erlent
Hægir á í stærsta hagkerfi Suður-Ameríku
Hagvöxtur í brasilíska hagkerfinu mældist 0,6 prósent á þriðja ársfjórðungi sem var mun minna en búist hafði verið við, að því er segir í frétt á vefsíðu breska ríkisútvarpsins BBC. Tölurnar eru sagðar hafa komið fjárfestum og stjórnvöldum í Brasilíu mjög á óvart, og segir greinandi hjá bankanum BES Investimento að tölurnar séu "hræðilegar“ og hljóti að hreyfa við stjórnvöldum, og jafnvel kalla á aðgerðir að hálfu þeirra til þess að örva hagkerfið.
Hagnaður Apple mun meiri en allra hinna tölvufyrirtækjanna
Hagnaður Apple á þessu ári nemur um 5300 milljörðum íslenskra króna samkvæmt tekjuáætlun sem kynnt var á dögunum.
Frakkar minnka verulega léttvínsdrykkju sína
Ný rannsókn sýnir að Frakkar hafa dregið verulega úr léttvínsdrykkju sinni á undanförnum árum og drekka ávaxtasafa í staðinn.
Bloomberg fær ekki gögn frá ECB um blekkingar Grikkja
Evrópski seðlabankinn (ECB) þarf ekki að gera opinber skjöl sem sýna hvernig stjórnvöldum í Grikklandi tókst að blekkja Evrópusambandið um stöðu ríkisfjármála sinna fyrir hrunið 2008.
Gætu sparað hundruð milljarða á að skipta á seðlum fyrir myntir
Bandaríkjamenn gætu sparað sér milljarða dollara eða hundruð milljarða króna með því að skipta út einsdollara seðli sínum fyrir mynt.
Ný og endurbætt útgáfa af iTunes komin
Tæknirisinn Apple opinberaði í dag nýjustu útgáfuna af iTunes margmiðlunarforritinu. Þessi ellefta kynslóð iTunes státar af nýju notendaviðmóti þar sem höfuðáhersla er lögð á plötuumslög.
Internet Explorer snýr aftur - gerir grín að nettröllum
Microsoft reynir nú eftir mesta megni að endurvekja forna dýrð Internet Explorer netvafrans. Nýjasta útgáfa vafrans, IE10, var hleypt af stokkunum á dögunum en um leið birti Microsoft auglýsingu þar sem stríði er lýst yfir á hendur nafnlausum hatursmönnum.
Eftirlit með erlendum bönkum hert í Bandaríkjunum
Eftirlitsstofnanir í Bandaríkjunum, ekki síst fjármálaeftirlitið í New York, ætla að óska eftir því við stjórnir erlendra banka sem eru með starfsleyfi í Bandaríkjunum, að þeir styrki lausafjárstöðu sína. Þetta er talið geta haft áhrif á stóra banka eins og Deutsche Bank og Barclays, að því er segir í umfjöllun New York Times í dag.
Nordea kosinn banki ársins í Vestur Evrópu
Tímaritið The Banker, sem gefið er út af Financial Times, hefur kosið Nordea bankann sem banka ársins í Vestur Evrópu. Nordea er fyrsti norræni bankinn sem hlýtur þessa viðurkenningu.
Árið 2013 gæti orðið erfitt í ferðaþjónustu
Samkvæmt spá The Economist fyrir árið 2013 þá eru væntingar hjá stærstu fyrirtækjum í ferðaþjónustu á heimsvísu um gott gengi á næsta ári ekki miklar. Því er spáð að ferðamönnum sem gista í það minnsta eina nótt í ferðalögum sínum muni fjölga um þrjú prósent á heimsvísu, en fjölgunin á þessu ári verður líklega um tvö prósent frá árinu 2011. Vitnað er til greiningar Tourism Economics, ráðgjafar- og rannsóknarfyrirtækis á sviði ferðaþjónustu.
Spá 8,2 prósent hagvexti í Írak á næsta ári
Þrátt fyrir veika innviði og ófrið þá spáir The Economist því að hagvöxtur í Írak verði 8,2 prósent á næsta ári, sem er með því allra mesta af löndum Mið-Austurlanda. Sérstaklega er horft til þess að olíuframleiðsla og olíuþjónustugeirinn sé sífellt að verða betur skipulagður, og það gefi efnahagnum færi á að vaxa milli ára.
Rauðar tölur lækkunar á mörkuðum
Hlutabréfavísitölur í Evrópu hafa víðast hvar lækkað í dag, og eru lækkanir raktar til erfiðleika í fjármálakerfi Spánar. Tilkynnt var um það í dag að stærsti banki Spánar þyrfti að draga saman seglin, segja upp sex þúsund starfsmönnum og selja eignir fyrir meira en 64 milljarða evra, eða sem nemur ríflega átta þúsund milljörðum.
Fréttaskýring: Áhrif og völd að færast til Asíu
G20 ríkin ráða yfir 60 prósent af landi heimsins, standa undir 87 prósent af hagvexti og þar búa um 65 prósent af íbúum heimsins. Miklar sviptingar hafa þó einkennt áhrif einstakra ríkja innan þessa hóps undanfarin ár, og eru það helst risarnir í Asíu, Kína og Indland, sem eru farin að styrkja stöðu sína og auka áhrif sín.
Windows 8 selst betur en Windows 7
Rúmur mánuður er síðan nýjasta stýrikerfi Microsoft, Windows 8, fór í almenna sölu en nú þegar hefur þessi uppfærsla á mikilvægustu vöru tæknirisans slegið forvera sínum við.
Facebook að opna gjafaverslun
Ríflega milljarður manna notra samfélagsmiðilinn í það minnsta einu sinni í viku, og nú hyggjast forsvarsmenn Facebook reyna að efla þjónustu sína enn frekar með því að opna fyrir kaup á gjöfum, t.d. handa þeim sem eiga afmæli.
Heimsmarkaðsverð á áli aftur komið yfir 2.000 dollara
Heimsmarkaðsverð á áli er aftur komið yfir 2.000 dollara á tonnið miðað við þriggja mánaða framvirka samninga á markaðinum í London.
Um 300 flugliðar í hópmálsókn gegn SAS flugfélaginu
Um 300 flugliðar hjá SAS flugfélaginu hafa fengið leyfi borgardóms Kaupmannahafnar til þess að fara í hópmálsókn gegn félaginu.
Lars von Trier og Peter Aalbæk í vafasömu fasteignabraski
Danski leikstjórinn Lars von Trier og framleiðandi hans Peter Aalbæk létu starfsmenn kvikmyndafélags síns vera í ábyrgð fyrir lánum sem þeir notuðu í fasteignabrask án þess að starfsmennirnir vissu af því.
Náðu samkomulagi um næstu greiðslur til Grikkja
Fjármálaráðherrar evrusvæðisins náðu loksins samkomulagi í nótt um næstu greiðslur á neyðarlánum Alþjóðagjaldeyrissjóðsins og Evrópusambandsins til Grikklands.
Fréttaskýring: Vesturlönd í vanda en Asía dregur vagninn
Á meðan staða efnahagsmála á Vesturlöndum, þ.e. í Evrópu og Bandaríkjunum, einkennist af erfiðleikum og veikum eða neikvæðum hagvexti, er staðan að lagast víða í Asíu. Þetta sýnir ítarleg umfjöllun The Economist, en sérrit blaðsins um horfur í efnhagsmálum og stjórnmálum á alþjóðavísu fyrir árið 2013, kom út í vikunni.
Apple í hart við Samsung
Barátta tæknirisanna Apple og Samsung virðist engan endi ætla að taka. Apple hefur nú bætt sex nýlegum spjaldtölvum og snjallsímum Samsung á lista yfir raftæki sem sögð eru brjóta á hugverkarétti.
Fyrsta stóra gasflutningaskipið siglir norðausturleiðina
Stórt gasflutningaskip siglir nú norðausturleiðina meðfram norðurströnd Rússlands í átt til Japan. Þetta er fyrsta skip sinnar tegundar sem reynir að sigla þessa leið
Eignir 16 auðugustu kvenna í Danmörku nema 1.300 milljörðum
Í úttekt sýnir að 16 danskar konur eru milljarðarmæringar í dönskum krónum og eiga þær samtals 59 milljarða danskra króna eða tæplega 1.300 milljarða króna í hreinum eignum en sú upphæð slagar hátt upp í landsframleiðslu Íslands.
Bandaríkjamenn berjast um snjallsíma á svörtum föstudegi
Bandaríkjamenn gæddu sér á kalkúni, graskersbökum og öðru góðgæti í gær en þá gekk þakkargjörðarhátíð í garð. Um er að ræða stærstu ferðaviku ársins í Bandaríkjunum. Talið er að um 43 milljónir Bandaríkjamanna hafi verið á faraldsfæti í vikunni.
Danir halda áfram að auka við sparifé sitt
Almenningur í Danmörku heldur áfram að auka við sparifé sitt. Nýjar tölur frá seðlabanka landsins sýna að sparnaðurinn jókst um 36 milljarða danskra króna eða um nærri 800 milljarða króna á síðustu 12 mánuðum.
Byggja hæsta skýjakljúf heimsins á aðeins 90 dögum
Kínverski byggingaverktakinn BSB ætlar að byggja hæsta skýjakljúf í heiminum á aðeins 90 dögum.
Yfir 200 Danir borga sektir vegna bankareikninga í skattaskjólum
Danski skatturinn hefur náð upplýsingum um leynilega bankareikninga yfir 200 Dana í skattaskjólum víða um heim á undanförnum árum.
Fasteignamarkaðurinn blómstrar að nýju í Bandaríkjunum
Fasteignamarkaðurinn í Bandaríkjunum er kominn í mikla uppsveiflu eftir að hafa nánast legið í dvala frá árinu 2008.
Fjöldi danskra flugliða segir upp störfum hjá SAS
Töluverður fjöldi danskra flugliða hjá SAS flugfélaginu hefur sagt upp störfum sínum eftir að verkalýðsfélag þeirra féllst á kjaraskerðingar í upphafi vikunnar.
Fitch setur Kýpur dýpra niður í ruslflokkinn
Matsfyrirtækið Fitch Ratings hefur lækkað lánshæfiseinkunn Kýpur dýpra niður í ruslflokk.
