Fury og Joshua mætast í fyrsta sinn í desem­ber

Bardaginn hefur verið lengi í umræðunni en nú hefur verið staðfest að hann fari fram 11. desember á Principality Stadium í Cardiff.

Um er að ræða breskan stórbardaga í þungavigt þar sem tveir af þekktustu hnefaleikamönnum Bretlands síðustu ára leiða saman hesta sína.

Fury, fyrrverandi heimsmeistari í þungavigt, hefur lengi kallað eftir því að fá að mæta Joshua. Joshua hefur sömuleiðis verið heimsmeistari og unnið til fjölda stærstu titla í greininni.

Bardaginn verður haldinn á heimavelli velska landsliðsins í Cardiff og má búast við gríðarlegum áhuga á viðureigninni.

Fury og Joshua hafa báðir verið meðal stærstu nafna hnefaleikaheimsins um árabil en hafa aldrei áður mæst í keppnisbardaga.

Nú er hins vegar komið að því að sá langþráði bardagi verður að veruleika.