Valur bætti vörnina úr síðasta leik

Valur hefur þurft að endurskoða vörnina sína eftir að liðið fékk á sig 47 mörk gegn Fram í síðustu umferð. Valsarar fóru í heimsókn til HK sem var enn að leita að sínum fyrsta sigri á tímabilinu.

HK byrjaði leikinn betur og á fyrstu fimm mínútum leiksins virtist vörn Vals ætla að halda áfram að leka. Heimamenn í HK komust í 4-1 forystu þegar Valur hrökk loksins í gang og jafnaði metin stuttu síðar.

Það sem af var fyrri hálfleiks var leikurinn mjög jafn en Valur var með tveggja marka forskot þegar dómarinn flautaði til hálfleiks.

Gunnar Róbertsson byrjaði seinni hálfleikinn á því að skora tvö mörk fyrir Val og byrjuðu yfirburðir liðsins að sýna sig. Forskot Vals stækkaði hægt og rólega og endaði liðið á að vinna stóran 38-29 sigur.

Fyrrnefndur Gunnar Róbertsson var langmarkahæsti leikmaður leiksins með sextán mörk og spilaði hann frábærlega í leiknum. Næstur á eftir honum í liði Vals var Dagur Leó Fannarsson með sex mörk.

Aron Dagur Pálsson var markahæstur í liði HK með sex mörk og Andri Þór Helgason var næstmarkahæstur með fimm mörk.

Eftir leikinn er Valur í fjórða sæti deildarinnar með fjögur stig en HK er enn stigalaust á botninum og bíður enn eftir sínum fyrsta sigri á tímabilinu.