Stefnir í spennandi toppbaráttu Ís­lendinganna

Midtjylland hóf leik dagsins af krafti þar sem miðvörðurinn Rasmus Kristensen kom liðinu í forystu þegar innan við mínúta var liðin af leiknum.

Nígeríski framherjinn Stanley Iheanacho tvöfaldaði svo forystuna um miðjan fyrri hálfleik og staðan 2-0 í hléi.

Max Ejdum minnkaði muninn á 69. mínútu en aðeins sex mínútum síðar skoraði Iheanacho sitt annað mark til endurnýja tveggja marka forystu Midtjylland.

Magnus Jensen skoraði fjórða mark Midtjylland eftir hornspyrnu á 89. mínútu og skömmu síaðr fékk Bartosz Slisz í liði Bröndby að líta rautt spjald. Olti Hyseni virtist ná inn sárabótamarki fyrir Bröndby í uppbótartíma en VAR dæmdi það af á viðburðarríkum lokakafla leiksins.

Midtjylland vann leikinn 4-1 gegn Bröndby-liði sem kláraði leikinn með tíu menn.

Midtjylland er með 18 stig í öðru sæti deildarinnar eftir átta leiki, þremur stigum frá Viktori Daða Bjarkasyni og félögum í FCK, sem eru með 21 stig á toppnum. Nordsjælland er stigi frá Midtjylland, með 17 stig í þriðja sæti.

Bröndby er eftir tap dagsins með 13 stig í fimmta sætinu.