Þórsarar komnir á blað

Bæði Þór og HK leituðu fyrstu stiga sinna eftir að hafa tapað í fyrstu umferðinni í síðustu viku.

Þórsarar náðu yfirhöndinni snemma leiks í jöfnum fyrri hálfleik. Munurinn var eitt til tvö mörk í gegnum hálfleikinn og þegar hálfleiksflautið gall var staðan 17-15 fyrir HK.

HK-ingum tókst aldrei að vinna upp bilið eftir hléið og það jókst í raun eftir því sem á leið. Þór vann fimm marka sigur 36-31.

Þór er því kominn á blað en HK er áfram án stiga.

Hákon Ingi Halldórsson var markahæstur með tíu mörk úr tólf skotum, þar af þrjú af vítalínunni. Mikkel Bak Scheumann Jensen skoraði sjö fyrir heimamenn.

Hjá HK var vinstri hornamaðurinn Andri Þór Helgason með níu mörk en Örn Alexandersson og Kári Tómas Hauksson sex hvor.