Jesus á skotskónum í stór­sigri Börsunga

Barcelona vann 5-1 sigur á Feyeynoord á Nývangi í leik þar sem að Börsungar réðu lögum og lofum frá upphafi til enda. 

Eftir mörk frá Raphinha og Karim Adeyemi snemma leiks leiddu Börsungar með tveimur mörkum í hálfleik 2-0 og á 57.mínútu bætti Raphinha við þriðja marki liðsins og sínu öðrum marki í leiknum. 3-0. 

Lamine Yamal bætti svo við fjórða marki Barcelona áður en Sam Steijn klóraði í bakkann fyrir Feyenoord. 4-1. 

En undir lok leiks var röðin komin að nýjasta leikmanni Barcelona, Gabriel Jesus sem gekk í raðir liðsins frá Arsenal á dögunum. 

Jesus innsiglaði 5-1 sigur Barcelona á 85.mínútu. Fyrsta mark hans fyrir spænska stórveldið í hans öðrum leik fyrir félagið. 

Á sama tíma heimsótti norska liðið Viking, Stuttgart í Þýskalandi. Íslendingurinn Amin Cosic var á meðal varamanna Viking og kom ekkert við sögu í leik kvöldsins sem lauk með 3-1 sigri Stuttgart. Ermedin Demirovic fór hamförum í liði heimamanna og skoraði öll þrjú mörk liðsins.