Hörð bar­átta tveggja Íslendingaliða um titilinn

Hacken lagði Pitea að velli í dag í 13.umferð deildarinnar. Íslenska landsliðskonan Thelma Karen Pálmadóttir var í byrjunarliði Hacken í dag og spilaði allan leikinn. 

Tabby Tindell kom meisturunum yfir í leiknum strax á 11.mínútu. Pitea náði hins vegar að svara fyrir sig á þeirri tuttugustu og fimmtu þegar téð Tindell varð fyrir því óláni að skora sjálfsmark.

Þegar komið var fram á 34.mínútu kom Laney Matriano, Hacken aftur yfir og stóðu leikar 2-1 í hálfleik Hacken í vil. 

Aivi Luik bætti við þriðja marki liðsins snemma í seinni hálfleik og það var svo varamaðurinn Emilia Migas sem gulltryggði 4-1 sigur Hacken aðeins tæpri mínútu eftir að hafa komið inn á. 

Hacken er á toppi sænsku úrvalsdeildarinnar með 36 stig en aðeins tvö stig eru niður í Hammarby í 2. sætinu. Baráttan hörð um sænska meistaratitilinn milli tveggja Íslendingaliða en Guðrún Arnardóttir er leikmaður Hammarby.