Díana tekur dóttur sína með sér yfir í Fram

Ebba, sem er fædd árið 2009, er gríðarlega efnileg og hefur verið fastamaður í unglingalandsliðum Íslands.

Ebba Gurrý hefur sterka Fram-tengingu, því hún er dóttir Díönu Guðjónsdóttur sem var nýlega ráðin aðstoðarþjálfari meistaraflokks kvenna hjá Fram. Díana hefur undanfarin ár þjálfað hjá Haukum þar af hjá meistaraflokknum síðustu ár.

Díana spilaði sjálf fyrir Fram eins og systur hennar Hafdís og Guðríður. Faðir þeirra, Guðjón Jónsson, var síðan goðsögn í handboltanum hjá Fram og sexfaldur Íslandsmeistari með félaginu sem leikmaður og fimm sinnum með þjálfari kvennaliðs Fram.

Amma Ebbu, Sigríður Sigurðardóttir, var síðan ein besta handknattleikskona landsins, margfaldur meistari með Val og Íþróttamaður ársins 1964, en það ár var hún fyrirliði landsliðsins sem varð Norðurlandameistari.