Sterkasti læknir landsins

Ísland er þar með sjö manna keppnislið sem samanstendur af fjórum konum og þremur körlum undir góðri leiðsögn landsliðsþjálfarans Auðuns Jónssonar.

Fyrsti keppandinn fyrir Íslands hönd var læknirinn Kristrún Sveinsdóttir, sem keppti á sunnudaginn í -52kg flokki kvenna. Þetta var hennar þriðja heimsmeistaramót í opnum flokki og er hún ríkjandi Íslandsmeistari í flokknum.

Á mótinu lyfti hún samtals 367,5 kíló. Um var að ræða 135 kg. í hnébeygju, 85 kg. í bekkpressu og 147.5 kg. í réttstöðulyftu. Bekkpressan var glæsilegt nýtt Íslandsmet í flokknum.

Með þessu náði hún sínum næstbesta árangri til þessa og landaði 18. sæti í flokknum.