Hamilton „laus við djöflana“ og í titilbaráttu

Hamilton kom sá og sigraði í Katalóníu kappakstrinum um nýliðna helgi og var um að ræða hans fyrsta sigur sem ökuþór Ferrari. Sá lét bíða eftir sér en hinn 41 árs gamli Hamilton hefur verið að gera fanta fína hluti á yfirstandandi tímabil og er að sækja á efsta mann stigakeppni ökuþóra.

„Hann er í titilbaráttunni,“ sagði fyrrverandi Formúlu 1 heimsmeistarinn Jacques Villeneuve, eftir sigur Hamilton í gær. „Hraðinn er til staðar. Það þarf því ekki mikið til og við vitum ekki hvernig ökuþórar Mercedes munu standa sig undir þessari pressu frá Hamilton.

Nico Rosberg, einnig fyrrverandi heimsmeistari í Formúlu 1 og fyrrverandi liðsfélagi Hamilton hjá Mercedes tók í svipaðan streng og Villeneuve.

„Með jákvæðm úrslitum verður drifkrafturinn meiri. Þú verður ánægðari, leggur harðar að þér. Þetta mun fara með Hamilton í hærri hæðir og sömuleiðis lið hans. Skriðþunginn er með þeim. Það er allt að falla fyrir Ferrari þessa stundina og það er það sem þarf til í Formúlu 1.

Í umfjöllun Motorsport.com er farið yfir það hvernig litlu mátti muna að Hamilton hefði ákveðið að hætta í Formúlu 1 eftir síðasta tímabil þegar að hreint út sagt hörmulega gekk hjá honum á hans fyrsta tímabili sem ökuþór Ferrari.

Bretinn, sem jafnframt er sjöfaldur heimsmeistari, hafi hins vegar notað vetrarfríið milli tímabila til þess að hreinsa hugann.

„Hann fann innri ró og ákvað að koma eins vel undirbúinn og hann gat inn í yfirstandandi tímabil. Það sem var stillt upp sem hans síðasta tengingakasti. Þegar að hann hóf undirbúning fyrir tímabilið, labbaði inn um hliðið á Maranello hjá Ferrari á Ítalíu, segja heimildarmenn okkar innan Ferrari að þeir hafi séð allt annan mann heldur en tímabilið þar á undan. Mann sem virtist hafa losað sig við djöfla sína.“

Bíllinn sem Ferrari er með á þessu tímabili er sá fyrsti sem að Hamilton hefur geta haft áhrif á. Hann virðist í flæði með bíl sínum og virðist áhættan sem Ferrari, þá einna helst líðsstjórinn Fred Vasseur, tók með því að fá Hamilton til liðs við sig vera að borga sig.

Aðeins fjörutíu og einu stigi munar á forystusauð stigakeppni ökuþóra, Kimi Antonelli hjá Mercedes, og Hamilton. Nú tekur við smá pása áður en keppni hefst aftur í mótaröðinni eftir tæpan hálfan mánuð í Austurríki.

Sýn Sport Viaplay er heimili Formúlu 1 á Íslandi.