Göppingen vann Einar án Ýmis

Einar Þorsteinn Ólafsson var í hópi HSV í þungu tapi dagsins og komst ekki á blað. Ýmir Örn Gíslason, fyrirliði Göppingen, var frá vegna meiðsla og tók ekki þátt.

Sigur Göppingen var aldrei í mikilli hættu í Hamborg í dag. Liðið náði undirtökunum snemma og sleppti þeim aldrei. Mest náði liðið sjö marka forystu snemma í síðari hálfleik og þó heimamenn hafi bitið frá sér og minnkað muninn í þrjú mörk tókst þeim ekki að brúa bilið til fulls.

Leiknum lauk með sex marka sigri Göppingen, 34-28. Erik Persson og Rutger Ten Velde fóru fyrir liðinu með sjö mörk hvor.

Göppingen er eftir sigurinn með 33 stig í níunda sæti deildarinnar en HSV er með 27 stig í því ellefta þegar tvær umferðir eru eftir af deildinni.