Slæm stjórnar­tíð Steve Cooper tekur enda

Cooper er frægastur fyrir tíma sinn sem stjóri í enska boltanum, meðal annars hjá Swansea, Nottingham Forest og Leicester. Á þessu tímabili leitaði hann út fyrir landsteinana og tók við danska liðinu Brondby.

Brondby fagnaði ekki góðu gengi undir stjórn Cooper og liðið eignaðist leiðinlegt met þegar það skoraði ekki í sex leikjum í röð. Annað met var síðan slegið þegar liðið fór ellefu leiki í röð án sigurs.

Þrátt fyrir það tókst Brondby að komast í umspil upp á sæti í Sambansdeildinni, en eftir tap gegn erkifjendunum FC Kaupmannahöfn var ákveðið að láta Cooper fara.

Brondy er því í þjálfaraleit í annað sinn á aðeins einu ári. Frederik Birk var þjálfari liðsins á síðasta ári, þegar Brondby kom til Íslands og mætti Víkingi.