ÍBV fær háa sekt vegna ósæmi­legrar hegðunar stuðnings­manns

Eins og framvæmdastjóri HSÍ, Sólveig Jónsdóttir, greindi frá í samtali við Vísi fyrir helgi kom umrætt mál inn á borð sambandsins eftir leik tvö í einvígi ÍBV og Vals í Vestmannaeyjum. 

Kölll beindust að Hafdísi Renötudóttur, markverði Vals í leiknum þar sem heyra mátti stuðningsmann ÍBV kalla að henni: 

„Hafdís elskar skæri“. Þar er vísað til kynlífs tveggja kvenmanna en Hafdís er samkynhneigð.

Málið fór inn á borð aganefndar HSÍ sem hefur nú kveðið upp úrskurð sinn og dæmt ÍBV til þess að greiða sekt vegna málsins að upphæð 150 þúsund krónum. 

Það er mat aganefndar að framkoma áhorfanda eða áhorfenda á ábyrgð ÍBV sem hér er vikið að, teljist vítaverð og ósæmileg í skilningi 18. gr. reglugerðar um agamál, sbr. einnig 17. gr. sömu reglugerðar. Þá er framkoman ósmekkleg og særandi gagnvart þeim leikmanni Vals sem hún beindist að og til þess fallin að valda íþróttinni álitshnekki. Aðildarfélög bera ábyrgð á stuðningsmönnum sínum og ber að tryggja að framkoma þeirra sé innan þeirra marka sem lög og siðareglur HSÍ setja. Telur nefndin því rétt að gera ÍBV refsingu vegna málsins.

- Úr úrskurði aganefndar HSÍ

Ummælin feli í sér gróft brot á grunngildum íþróttahreyfingarinnar en ÍBV hefur sett umræddan stuðningsmann í tímabundið bann frá leikjum

liðsins. 

Úrskurð aganefndar HSÍ í málinu má lesa í heild sinni hér.