Tryggvi Snær at­kvæða­mikill í súru tapi

Tryggvi setti niður tíu stig og tók tíu fráköst í leiknum sem var nær allan tímann í eigu heimamanna í liði Lleida en mest komst liðið í tíu stiga forystu. 

Áhlaup frá Bilbao í upphafi fjórða leikhluta þar sem að liðið náði forystunni um skamma stund í fyrsta sinn í langan tíma í leiknum dugði ekki til. Heimamenn sigldu aftur fram úr og unnu þennan níu stiga sigur. 

Dýrmæt stig í súginn hjá Bilbao sem á í harðri baráttu um sæti í úrslitakeppni deildarinnar. Átta efstu lið deildarinnar fara áfram í úrslitakeppnina en sem stendur er Bilbao í níunda sæti.