Farage og fé­lagar í Reform marg­falda styrk sinn í sveitar­stjórnum Eng­lands

Enn er aðeins búið að telja tiltölulega lítinn hluta atkvæða en þó er ljóst að Reform, flokkur Nigel Farage er að bæta mjög miklu fylgi við sig og fjölga sveitarstjórnarmönnum. Á sama tíma virðist Verkamannaflokkurinn vera að tapa stórt og sömu sögu er raunar að segja af breska Íhaldsflokknum.

Græningja sækja einnig í sig veðrið en þó ekkert í líkingu við sókn Reform. Eins og staðan er nú hefur Verkamannaflokkurinn misst meirihlutann í átta sveitarstjórnum og Reform hefur bætt við sig rúmlega 300 sætum víðsvegar um landið. En eins og áður sagði á eftir að telja stærsta hluta atkvæðamagnsins.

Skotar og Walesverjar gengu einnig til kosninga í gær og er búist við að Verkamannaflokkurinn tapi meirihluta sínum á velska þinginu, meirihluta sem flokkurinn hefur haldið í tuttugu og sjö ár. Þar talning þó ekki hafin enn þótt kosningarnar hafi farið fram í gær. 

Tapi Verkamannaflokksins hafði verið spáð í aðdraganda kosninganna og talið er víst að þrýstingurinn á Keir Starmer forsætisráðherra til að segja af sér aukist nú enn frekar.