Hver sigrar Puffin-hlaupið?

Hlaupið verður í beinni útsendingu á Vísi og hefst útsendingin klukkan 11:30. 

Spilari birtist í þessari frétt rétt fyrir útsendingu.

Snorri Björnsson, hlaðvarpsstjarna og hlaupagarpur, og Garpur I Elísabetarson dagskrágerðamaður munu lýsa keppninni. Von er á sterkum hlaupurum og spennandi keppni.

„Við fengum þessa hugmynd í fyrra þegar við sáum stillt upp ógnarsterkum hlaupurum í Puffin run. Keppnin var svo spennandi að það var eiginlega glatað að sýna ekki frá henni í beinni útsendingu,“ segir Garpur. 

„Þetta verður mjög spennandi keppni, Þorbergur Ingi, einn okkar albesti hlaupari, er að fara keppa í þessu hlaupi í fyrsta skipti. Arnar Pétursson sem er margfaldur Íslandsmeistari í hlaupum og hefur unnið Puffin run nokkrum sinnum mætir líka ásamt Sigurjóni Erni ofurmanni og hlaupara þannig það á von á mjög sterkri keppni. Einn sigursælasti hlaupari landsins Andrea Kolbeinsdóttir mætir líka og vonandi að Elísa Kristinsdóttir nái að mæta líka en það er fullt af spennandi hlaupurum sem mæta og von á mjög sterkri keppni,“ segir Garpur.

Um 1600 hlauparar voru skráðir til leiks en vegna erfiðleika við samgöngur til Eyja síðustu daga gera mótshaldarar ráð fyrir um 700 keppendum.

Hlaupið hefst klukkan 12:15 en útsendingin á Vísi hefst klukkan 11:30. Spilari birtist í þessari frétt.