Sjáðu mörkin úr endurkomunni í Eyjum

Víkingur var 2-0 yfir í hálfleik í leik dagsins í Eyjum eftir mörk þeirra Bergdísar Sveinsdóttur og Jasmínar Erlu Ingadóttur um miðjan fyrri hálfleik.

Eitthvað sagði Jón Ólafur Daníelsson, þjálfari Eyjakvenna, við sínar konur í hléi því aðeins sex mínútur voru liðnar af síðari hálfleik þegar þær Avery Mae Vandeven og Olga Sevcova höfðu skorað sitt hvort markið á mínútu kafla og staðan jöfn 2-2.

Allison Clark skoraði svo það sem reyndist sigurmark ÍBV á 83. mínútu og 3-2 úrslit leiksins.

Mörkin fimm má sjá í spilaranum.