Hlauparar hópast í nýja í­þrótta­fé­lagið Hraða

Til þess að geta tekið þátt í Íslands- og meistaramótum þurfa keppendur að vera skráðir í löglegt íþróttafélag innan ÍSÍ og keppa í búningi félagsins.

Forráðamenn hlaupahópsins hafa unnið að því í ár að sækja um aðild hjá UMSK, Ungmennasambandi Kjalarnesþings, en eitt af skilyrðum er að nafn félagsins falli vel að íslenskri málhefð, sem HHHC gerir ekki. Því var tekið upp nafnið Íþróttafélagið Hraði.

Félagið hefur nú verið samþykkt og er orðið fullgilt félag innan UMSK. Félagið hefur hannað merki og búning merkt félaginu.

Í framhaldinu hefur Íþróttafélagið Hraði boðið öfluga hlaupara velkomna „heim“ eins og þeir orða það á miðlum þess.

Hlaupararnir fjórir sem keppa hér eftir fyrir Íþróttafélagið Hraða eru Þórólfur Ingi Þórsson, Ágústa Edda Björnsdóttir, Daníel Ágústsson og Jón Kristófer Sturluson. Þórólfur Ingi kemur heim frá ÍR en þeir Daníel og Jón Kristófer hafa keppt fyrir Breiðablik.

Ágústa Edda var í landsliðinu í handbolta í rúm tíu ár og var valin handboltakona ársins 2006. Hún byrjaði í hjólreiðum 2015 þar sem hún vann marga Íslandsmeistara- og bikarmeistaratitla. Hún var fyrsti Íslendingurinn til að keppa á HM í götuhjólreiðum og valin hjólreiðakona ársins þrjú ár í röð. Ágústa Edda byrjaði að hlaupa haustið 2024 en hún hefur keppt í götuhlaupum frá 5 kílómetrum upp í maraþon. Hún er Íslandsmeistari í aldursflokki í 10 kílómetra hlaupi en hefur líka keppt í ýmsum utanvegahlaupum.

Það má finna meira um þessa hlaupara hér fyrir neðan.