Einar Bragi frá­bær þegar Kristianstad tryggði sig í undan­úr­slit

Kristianstad vann leik fjögur á móti Karlskrona í kvöld með sex marka mun á útivelli, 41-35, og þar með einvígið 3-1. Kristianstad var sex mörkum yfir eftir markamikinn fyrri hálfleik, 23-17.

Karlskrona hafði tryggt sér aukaleik með því að sækja sigur á útivöll í leiknum á undan en tókst ekki að tryggja sér oddaleik þótt liðið væri á heimavelli.

Einar Bragi Aðalsteinsson átti frábæran leik með Kristianstad í kvöld en hann skoraði tíu mörk úr þrettán skotum og gaf einnig fimm stoðsendingar.

Einar kom því að fimmtán mörkum og öll mörkin hans komu utan af velli. Hann var markahæstur með Axel Månsson sem skoraði einnig tíu mörk. Einar gaf einni fleiri stoðsendingu og kom því að flestum mörkum í sínu liði.

Arnór Viðarsson skoraði þrjú mörk og gaf þrjár stoðsendingar fyrir Karlskrona.