„Til­finningin ó­lýsan­leg að sjá boltann í netinu“

„Það var gjörsamlega ólýsanlegt að sjá boltann í netinu og tilfinningin var bara hreint út sagt frábær. Ég hljóp svo bara í átt að stúkunni og það var geggjað að fagna sigurmarkinu og fá fulla stúku af KR-ingum í fangið,“ sagði hetja KR-inga í leiknum. 

„Spilamennskan var ekkert spes hjá okkur en við gerðum nóg til þess að vinna og við tökum stigin þrjú með okkur. Svo lögum við frammistöðuna í komandi leikjum og bætum það sem þarf að bæta,“ sagði Alexander Rafn. 

„Óskar Hrafn bað mig bara um að vera hugrakkur á boltann og að reyna að koma mér inn í leikinn. Mér fannst ég ná að gera og er bara sáttur við innkomuna hjá mér. Það sem skiptir hins vegar mestu máli er að við náðum í sigur,“ sagði Alexander sem laug engu með það að innkoma hans var sérdeilis prýðiuileg.