Viggó fer til Flensburg

Viggó leikur með Erlangen í þýsku úrvalsdeildinni og mun gera það eina leiktíð til viðbótar. Eftir það fer hann til stórliðs Flensburg.

Skiptin hafa legið í loftinu um hríð og voru staðfest af báðum félögum á miðlum þeirra í morgun. Erlangen keypti Viggó af Leipzig í desember 2024 og hann hefur verið á meðal bæði marka- og stoðsendingahærri leikmanna þýsku deildarinnar síðan.

Flensburg situr í öðru sæti þýsku úrvalsdeildarinnar á meðan Erlangen berst í nánd við fallsvæðið.

Viggó verður fimmti Íslendingurinn til að spila fyrir Flensburg á eftir þeim Alexander Petersson, Einari Hólmgeirssyni, Arnóri Atlasyni, Ólafi Gústafssyni og Teiti Erni Einarssyni.