Verða allir með gull­merki til að sýna liðsfélaga sínum stuðning

Panichelli hefur skorað 16 mörk fyrir Strasbourg og er markahæsti leikmaður frönsku úrvalsdeildarinnar í vetur. Hann sleit hins vegar krossband í landsleik með Argentínu á dögunum og verður frá næstu mánuðina.

Venjan í frönsku deildinni er sú að markahæsti leikmaðurinn spili með sérstakt gullmerki á treyjunni en þar sem Panichelli er meiddur munu allir liðsfélagar hans spila með gullmerkið.

Liðið bað um leyfi fyrir því að allir leikmenn fengu að spila með gullmerkið í þessum leik til að sýna Panichelli stuðning í gegnum meiðslin og franska deildin féllst á það.

Búast má svo við því að Mason Greenwood (15 mörk fyrir Marseille), Esteban Lepaul (14 mörk fyrir Rennais) eða Odsonne Édouard (12 mörk fyrir Lens) verði bráðum komnir með gullmerkið á handlegginn.