Elín Klara skoraði þrjú mörk og Sävehof er komið yfir

IK Sävehof endaði sem deildarmeistari sænsku deildarinnar en Skuru í áttunda sæti og því fyrir fram búist við sigri IK Sävehof í einvígi liðanna í átta liða úrslitum.

Leikina þarf samt sem áður að spila og mætti segja að leikmenn IK Sävehof hafi skilað fagmannlegri frammistöðu í kvöld í leik sem lauk með þriggja marka sigri IK Sävehof, 26-23. 

Elín Klara skoraði þrjú mörk í leiknum og gaf tvær stoðsendingar. Liðin mætast í öðrum leik einvígisins á fimmtudaginn kemur. Staðan orðin 1-0 IK Sävehof í vil.