Valskonur hnykluðu vöðvana í lokaumferðinni

Leikurinn átti að fara fram um síðustu helgi en frestaðist og fór því fram í dag, samhliða fyrstu umferðinni í umspilinu. Valur og ÍBV voru nú þegar búin að tryggja sér 1. og 2. sæti deildarinnar og sitja því hjá í þessari umferð úrslitakeppninnar.

Toppliðin tvö tókust vel á sín á milli á Hlíðarenda í dag en Valskonur voru skrefinu á undan allan leikinn, jafnvel nokkrum skrefum á undan. ÍBV tókst samt að skapa spennu undir lokin og komast einu marki yfir en á endanum voru Valskonur sterkari.

Línukonan Elísa Elíasdóttir var markahæst hjá Val með 7 mörk úr 10 skotum fyrir Val. Landsliðsfyrirliðinn Sandra Erlingsdóttir fór hins vegar mestan og skoraði 12 mörk fyrir ÍBV.

Liðin tvö bíða nú eftir því að sjá hverjum þau mæta í úrslitakeppninni. Fram eða ÍR mun mæta Val en Haukar eða Þór/KA munu mæta ÍBV.