Júlía Kristín sló Ís­lands­met á HM

Júlía Kristín kom inn á HM hafandi þríbætt Íslandsmet Guðrúnar Arnardóttir í greininni og fékk boð á HM með skömmum fyrirvara. Hún stökk til og fór frá Texas í Bandaríkjunum yfir til Póllands á mótið, með stuttu stoppi hér heima.

Júlía fór metrana 60 á 8,11 sekúndum sem er bæting um sjö hundraðshluta úr sekúndu á besta tíma hennar. Þar af leiðandi setti hún nýtt Íslandsmet í greinni, og það í fjórða sinn.

Júlía Kristín var sjöunda í mark í sínum undanriðli og fer ekki áfram í úrslit.

Allir þrír keppendur Íslands hafa því lokið keppni á HM en Christina Alba Marcus keppti í 60 metra spretthlaupi í gær og Aníta Hinriksdóttir í 1.500 metra hlaupi á föstudag.