„Allt of snöggur og ó­væntur endir“

Dana Björg er á sínu fjórða og síðasta tímabili hjá Volda. Hún hafði skorað þrjú mörk í leiknum um helgina þegar hún meiddist og nú er ljóst að hún mun ekki snúa aftur á völlinn með Volda. Í sumar skiptir hún yfir til úrvalsdeildarliðsins Larvik.

Auk þess að missa af síðustu leikjum tímabilsins með Volda verður hún fjarri góðu gamni þegar Ísland mætir Færeyjum og Portúgal í undankeppni EM í næsta mánuði.

„Ekki alveg svona sem ég sá síðasta tímabilið mitt hjá Volda enda. Allt of snöggur og óvæntur endir á þessum fjórum árum í Volda treyjunni. Takk kærlega fyrir öll fallegu skilaboðin sem ég hef fengið. Nú tek ég smá hvíld og byrja svo að æfa aftur á fullum krafti,“ skrifar Dana Björg úr sjúkrarúminu í færslu á Instagram.