Mögnuð byrjun á úr­slita­ein­víginu: „Endur­koma sem sést yfir­leitt í ævintýra­myndum“

Það var á brattann að sækja fyrir heimamenn í leik gærkvöldsins því gestirnir frá Akureyri byrjuðu leikinn mun betur og voru komnir 3-0 yfir þegar að fyrsti leikhlutinn rann sitt skeið. 

Hvort lið fyrir sig skoraði eitt mark í öðrum leikhluta og því stóðu leikar 4-1 SA í vil þegar haldið var inn í þriðja og síðasta leikhlutann.

SA náði þar snemma inn fimmta marki sínu og leiddu með fjórum mörkum þegar um níu mínútur eftir lifðu leiks. Þá hófst ótrúleg endurkoma heimamanna.

SR náði snemma eftir fimmta mark SA sínu öðru marki í leiknum, svo því þriðja og fjórða. Þegar að um fimm mínútur eftir lifðu leiks skyldi aðeins eitt mark liðin að. 5-4. 

Milos, þjálfari SR, ákvað að taka leikhlé þegar að um tvær mínútur voru eftir, tók markmann sinn út af og setti inn sóknarmann. SR-ingar héldu í stórsókn og náðu inn jöfnunarmarki og stóðu leikar jafnir 5-5 þegar að leiktíminn rann sitt skeið. 

Því þurfti að grípa til framlengingar. Mómentið með SR og í framlengingunni skoraði Axel Oronga gullmark sem tryggði liðinu magnaðan endurkomusigur 6-5. 

„Endurkoma sem sést yfirleitt í ævintýramyndum frekar en raunveruleikanum,“ segir í frásögn SR-inga í færslu á samfélagsmiðlum um leikinn. 

SR leiðir úrslitaeinvígið 1-0 fyrir næsta leik liðanna á Akureyri á fimmtudaginn kemur.