Marka­veisla þegar ÍBV vann silfur­strákana

ÍBV var með yfirhöndina í fyrri hálfleiknum og komst mest átta mörkum yfir en ÍR lagaði stöðuna fyrir hlé og var staðan þá 22-17.

ÍR náði svo að minnka muninn í eitt mark um miðjan seinni hálfleik, í 31-30 og 32-31, en þá juku Eyjamenn forskotið á nýjan leik og unnu eins og fyrr segir fjögurra marka sigur að lokum, þar sem bæði lið rufu fjörutíu marka múrinn.

Andri Erlingsson og Hákon Daði Styrmisson voru markahæstir hjá ÍBV með tíu mörk hvor en Jökull Blöndal Björnsson var markahæstur gestanna með heil fjórtán mörk. Baldur Fritz Bjarnason var ekki með ÍR-ingum í kvöld eftir að hafa meiðst í sigrinum gegn KA í síðustu viku í undanúrslitum bikarsins.

ÍR hefur nú tapað 15 af 20 leikjum sínum og er enn neðst í deildinni með sjö stig, þremur stigum á eftir Stjörnunni og fjórum á eftir Þór og Selfossi, þegar tvær umferðir eru eftir. ÍBV er hins vegar með 25 stig, jafnt Aftureldingu í 4.-5. sæti.

Þrír aðrir leikir eru í kvöld því HK mætir Selfossi, FH mætir Afturelding og Valur mætir Fram. Tuttugustu umferðinni lýkur svo á morgun með leik Stjörnunnar og KA.