Þessi leiða Viðreisn í Garðabæ

Freyja Þórisdóttir skrifar 5. mars 2026 19:31

Frá vinstri: Hreiðar Þór Jónsson, Sigríður Þóra Ásgeirsdóttir, Guðlaugur Kristmundsson, Harpa Þorsteinsdóttir og Jón Bjarni Steinsson.

Guðlaugur Kristmundsson bæjarfluttrúi, Harpa Þorsteinsdóttir varabæjarfulltrúi, Jón Bjarni Steinsson lögfræðingur, skipa efstu þrjú sætin á lista Viðreisnar í Garðabæ í komandi sveitarstjórnarkosningum.

Þetta var samþykkt á aðalfundi félagsins sem var haldinn í félagsheimili Stjörnunnar í gærkvöldi, miðvikudaginn 4. mars, að því er fram kemur í tilkynningu frá Viðreisn í Garðabæ.

Guðlaugur Kristmundsson leiðir listann en hann er bæjarfulltrúi og fyrrverandi framkvæmdastjóri Viðreisnar. Í fjórða og fimmta sæti listans eru Sigríður Þóra Ásgeirsdóttir, framkvæmdastjóri Úlfatíma, og Hreiðar Þór Jónsson, fyrrverandi framkvæmdastjóri Datera.

Guðlaugur Kristmundsson og Harpa Þorsteinsdóttir skipa fyrsta og annað sæti listans.Aðsend

Listinn yfir frambjóðendur verður kynntur formlega á Hönnunarsafni Íslands í dag. Þetta er í annað sinn sem Viðreisn býður fram undir eigin merkjum í Garðabæ; í síðustu sveitarstjórnarkosningum fékk framboðið rúmlega þrettán prósenta fylgi.

Í tilkynningunni kemur fram að þá hafi það verið besti árangur flokksins í sveitarstjórnarkosningum á landsvísu.