Fleiri breytingar á lands­liðinu: Alexandra kemur inn fyrir Ölfu

Ísland mætir Svartfjallalandi í undankeppni EM 2026 á Ásvöllum annað kvöld. Þetta er þriðji leikur íslenska liðsins í undankeppninni en það á enn eftir að ná í sitt fyrsta stig.

Í gær var greint frá því að Þórey Anna Ásgeirsdóttir hefði dregið sig út úr landsliðinu en hún er barnshafandi. Í hennar stað kom Sonja Lind Sigsteinsdóttir inn í landsliðshópinn.

Ólíklegt þykir að Thea Imani Sturludóttir spili með íslenska liðinu á morgun vegna meiðsla. Þá verður Díana Dögg Magnúsdóttir ekki með vegna prófa.

Ísland og Svartfjallaland mætast á Ásvöllum annað kvöld. Liðin mætast svo aftur í Podgorica í Svartfjallalandi á sunnudaginn.

Svartfjallaland er á toppi riðilsins með fjögur stig. Færeyjar og Portúgal eru bæði með tvö stig en Ísland ekki neitt. Tvö efstu liðin í riðlunum sex í undankeppninni komast á EM sem og þau fjögur lið sem eru með bestan árangur í 3. sæti riðlanna.