Púðurskot hjá Viggó og á­fram gengur ekkert hjá Göppingen

Andri Már Rúnarsson skoraði þrjú mörk fyrir Erlangen sem tapaði fyrir Flensburg, 29-34. 

Viggó Kristjánsson var aldrei þessu vant ekki á meðal markaskorara hjá Erlangen en öll fimm skot hans geiguðu.

Erlangen hefur tapað fjórum leikjum í röð og er í 13. sæti deildarinnar með fjórtán stig.

Ýmir Örn Gíslason og félagar í Göppingen lutu í lægra haldi fyrir Kiel á heimavelli, 24-28. 

Íslenski landsliðsmaðurinn var ekki á meðal markaskorara hjá Göppingen sem hefur gengið afar illa að undanförnu. Liðið hefur ekki unnið í tíu leikjum í röð; tapað átta og gert tvö jafntefli.

Þrátt fyrir þetta slæma gengi er Göppingen í 11. sæti deildarinnar með sextán stig.