Valdimar fer ekki til Mexíkó

Áður hafði verið tilkynnt um tvær breytingar á hópnum þegar Aron Sigurðarson og Aron Elís Þrándarson drógu sig úr hópnum. Jóhann Berg Guðmundsson og Hallgrímur Mar Steingrímsson komu inn í þeirra stað.

Þetta er því þriðja breytingin á hópnum sem fer til Mexíkó en Valdimar og Óskar eru báðir leikmenn Víkings í Bestu deildinni.

Valdimar hefur hins vegar verið orðaður við brottför frá félaginu og hafnaði nýlega tilboði frá sænska félaginu Kalmar. Mögulega er hann með annað tilboð í höndunum sem hann ætlar sér að samþykkja.

Leikurinn gegn Mexíkó fer fram á Corregidora Stadium í Querataro og hefst klukkan 02:00 að íslenskum tíma aðfaranótt 26. febrúar. Bein útsending verður á Sýn Sport.