Maguire hlóð raf­hlöðurnar á Fróni

Knattspyrnulið Manchester United datt út úr enska bikarnum fyrr á árinu og fengu leikmenn félagsins því pásu milli síðasta leikjar þann 10. febrúar til þess næsta þrettán dögum síðar.

Einn þeirra sem nýtti pásuna í stutt frí var Maguire sem ákvað að skella sér til Íslands yfir síðustu helgi. Hann nýtti tímann vel á Íslandi, dvaldi á The Retreat Hotel við Bláa lónið, þar sem hann hitti meðal annars einkaþjálfarann Egil Einarsson, og naut Norðurljósanna.

„Fullhlaðinn🔋,“ skrifaði hann við myndaveislu sem hann birti af sér og eiginkonunni Fern Maguire á Instragram.