Haukar á toppinn og varpa pressunni yfir á Val

Sigurinn gerir það að verkum að Haukar lyfta sér upp fyrir bæði FH og Val í toppsæti deildarinnar en hafa ber í huga að Valsmenn eiga leik til góða á Hauka gegn KA á morgun. 

Freyr Aronsson var markahæstur í liði Hauka í kvöld með sex mörk og Skarphéðinn Ívar Einarsson setti fimm mörk. 

Í liði Stjörnunnar var það Jóel Bernburg sem var atkvæðamestur hvað markaskorun varðar með sjö mörk. 

Eftir leiki kvöldsins færist Stjarnan niður um eitt sæti. Sigur HK á Þór Akureyri gerir það að verkum að Garðbæingar eru nú aðeins einu stigi frá Þór Akureyri sem vermir ellefta og næst síðasta sæti deildarinnar, þá eru aðeins þrjú stig niður í botnlið ÍR.