Hár­los eftir fæðingu, tíma­bundið eða varan­legt?

Margir segja að barneignir breyti lífinu og það er sannarlega rétt. Flestir tala um tilfinningalegu hliðina, nýtt hlutverk, ný tengsl og ný forgangsröðun. En það er önnur hlið sem fær sjaldnar athygli, líkamlegu breytingarnar sem fylgja eftir fæðingu.

Ein kona hafði samband við mig og lýsti því hvernig hún upplifði hárlos og hárbrot mánuðina eftir barnsburð. Á meðgöngu var hárið þétt, glansandi og sterkt en nokkrum mánuðum eftir fæðingu breyttist allt. Skyndilega voru hár um allt í burstanum, í sturtunni og á gólfinu og hárið sumstaðar stutt, brothætt við hárlínuna sem minnti á ‘sideburns’.

En hvað er að gerast?

Hárlos eftir fæðingu er algengt og tengist hormónasveiflum. Þegar estrógenmagn lækkar eftir meðgöngu fara fleiri hár samtímis yfir í losunarfasa. Þetta getur valdið áberandi hárlosi í nokkra mánuði. Fyrir marga er hárið stór hluti af sjálfsmyndinni. Þó svefnleysið eftir barnsburð er krefjandi þá lýsa margar að hárlosið hafi raunverulega hristi upp í sjálfstraustinu. Þegar hárið var áður þykkt og heilbrigt getur aukið hárlos og brothætta komið verulega á óvart.

Margar konur upplifa að hárið verði þéttara, glansandi og kraftmeira á meðgöngu. Sumar tala jafnvel um sitt „besta hárævintýri“ á þessum tíma. Á meðgöngu hækkar magn hormónsins estrógens, sem lengir vaxtarfasa hársins. Það þýðir einfaldlega að færri hár fara yfir í losunarfasa (Exogen).

Hár vex í þremur megin stigum: vaxtarstigi (anagen), umbreytingarstigi (catagen) og hvíldarstigi (telogen). Í lok hvíldarstigsins losnar hárið og fellur þegar nýtt hár tekur við.Venjulega eru um 85–90% háranna í vaxtarstigi (anagen) að hverju sinni. Þegar magn estrógens hækkar á meðgöngu verður hárið þéttara, hárlos minnkar og glans og fylling eyskt.

Eftir fæðingu breytasta hormónin og jafnvægið raskast

Eftir fæðingu lækkar estrógen hratt og jafnvægið raskast. Mörg hár sem voru í vaxtarfasa fara samtímis yfir í hvíldar- og losunarfasa. Þetta er kallað postpartum telogen effluvium og er læknisfræðilegt hugtak yfir tímabundið hárlos sem á sér stað þegar óvenju stór hluti hársins fer í hvíldafasa á sama tíma. 

Þetta ástand er oftast 2-4 mánuðum eftir fæðingu og nær hámarki 4-6 eftir fæðingu en þarna upplifa margar konur skyndilegt og meira magn hárs í hárburstanum, þynningu við hárlínu og gagnauga ásamt stuttum nývaxandi hárum sem standa upp. Þetta kann að líta mjög dramatískt út er er lífræðilega eðlilegt og jafnar sig á 6-12 mánuðum. 

Ástæðan þess að þetta getur tekið mjög á andlega er vegna þess að á sama tíma er svefn takmarkaður, líkaminn að jafna sig, hormónar í mikilli breytingu sem tengir þetta saman við líkamlegt og tilfinningalegt ferli ásamt mögulegar næringarbreytingar og streita getur valdið því að hárið verðu viðkvæmara og brothættara á þessum tíma.

Hvað er hægt að gera?

Það sem hægt er að gera og það sem ég ráðlegg er að hormónabreytingunum höfum við ekki stjórn á en við getum stutt við hársvörðinn og reynt að draga úr hárbroti á sama tíma og við verndum nýjan hárvöxt. Heilbrigt vaxtarumhverfi er lykillinn að sterkari endurvexti.

Kérastase Genesis línan er dæmi um mjög faglega nálgun sem styður við rótarfestu og seiglu hársin á þessum viðkvæma tíma og sérstaklega serumið þeirra í hársvörðinn sem styður við hársekkinn og getur hjálpað til við að skapa betra vaxtarumhverfi og minnka hárlos. 

Það stoppar ekki hormónatengt hárlos en getur dregið úr hárbroti og styrkt nýjan hárvöxt á meðan jafnvægið kemst aftur á. Mikilvægt er stöðug notkun og að bera serumið í hársvörðin á hverjum degi kvölds eða morgna yfir 6-9 vikna tímabil. Eins er gott að draga úr notkun á hitatækjum eða nota ávalt góða verndandi hitavörn þegar þau eru notuð og forðast þéttar greiðslur. Járnbúskapur, prótein og B-vítamín skipta máli. Ef hárlos er mikið eða viðvarandi getur verið ráðlegt að ræða við lækni og taka blóðprufu.

Er þetta varanlegt ástand?

Það er alger mýta að þú verðir með þunnt hár héðan frá, og staðreynd að í flestum tilfellum er þetta tímabundið. Postpartum hárlos er merki um að líkaminn sé að finna sitt eðlilega jafnvægi aftur, ný hár byrja að vaxa og með réttum stuðningi við rótina verður endurvöxturinn sterkari og heilbrigðari.

Klínísk nálgun, þegar fræðsla mætir lausn

Hárlos og þynning hárs er eitthvað sem ótrúlega margir upplifa bæði konur og karlar og á síðustu árum hefur Kérastase Genesis, þó sérstaklega Genesis Serum Anti-Chute Fortifiant Serum vakið athygli fagfólks um allan heim.

Þetta einstaka serum byggir á formúlu með virkum innihaldsefnum sem styðja við bæði hár og hársvörðinn:  Aminexil sem hjálpar til við að bæta festu hársins við rót og draga úr stífnun kollagens í kringum hársekkinn ásamt Engiferrót (Ginger Root Extract) sem þekkt fyrir að styðja við náttúrulega vernd hársekkjarins og Koffín (Caffeine) sem er þekkt fyrir að örva blóðflæði í hársverði og styðja við virknina í hársekknum. Þetta serum er þróað með lífeðlisfræði hársekkjarins í huga.

Rannsóknir sýna að allt að 40% kvenna upplifa einhvers konar þynningu eða aukið hárlos á lífsleiðinni, og hjá körlum er hlutfallið enn hærra. Þó arfgengt hárlos sé vel þekkt, tengist stór hluti tilfella streitu, hormónasveiflum og umhverfisþáttum.

Í klínískum prófunum og notendarannsóknum á Genesis Serum hefur mælst sýnileg minnkun á hárlosi vegna brots við reglulega notkun, aukin segla og minni brothætta. Þetta þýðir að hár sem annars hefði brotnað heldur sér frekar.

Sérlína þróuð fyrir karlmenn

Hárlos hjá körlum er algengara en margir gera sér grein fyrir. Algengasta orsökin er arfgengt hárlos (androgenetic alopecia), sem tengist næmi hársekkja fyrir ákveðnu karlhormóni (DHT). Með tímanum getur það stytt vaxtarfasa hársins og leitt til þynningar. Fyrstu merkin eru oft að hárið byrjar að færast aftar við ennið eða þynnast á kollinum. 

Smám saman getur hárlínan hækkað og þéttleiki minnkað. Það er þó mikilvægt að hafa í huga að hárlos hjá körlum er ekki alltaf eingöngu arfgengt. Eins og hjá konum geta fleiri þættir haft áhrif eins og streita, svefnleysi og tímabundið hárlos eftir veikindi eða álagstíma.

Vegna mikilla vinsælda Kérastase Genesis var þróuð sérlína fyrir karla Genesis Homme sem tekur mið af þörfum karla með byrjandi þynningu eða veikburða hár. Línan byggir á sama grunnhugmyndafræði sem er dagleg notkun yfir ákveðið tímabil ásamt stuðning við rótina og hársekkina fyrir heilbrigðara vaxarumhverfi sem gerir hárið sýnilega þykkara strax og yfir tíma ásamt að viðbótarinnihaldsefni eins og creatine sem vinnur að því að styrkja hárþráðinn.

Í langflestum tilfellum tímabundið ástand

Ef þú ert að upplifa hárlos hvort sem það er eftir fæðingu, vegna streitu, hormónabreytinga eða arfgengrar þynningar þá veistu að þú ert ekki ein. Í langflestum tilfellum er hárlos tímabundið ferli. Líkaminn er að bregðast við breytingum og mun með tímanum finna jafnvægið aftur. Nýr vöxtur hefst áður en við sjáum hann,hársekkirnir hætta ekki að starfa, þeir þurfa einfaldlega tíma og rétt skilyrði.

En það er líka mikilvægt að segja þetta skýrt: Ef hárlos er langvarandi, versnandi eða fylgir öðrum einkennum eins og mikilli þreytu, hormónaójafnvægi eða skellóttri þynningu, getur verið um undirliggjandi ástand að ræða. Járnskortur, skjaldkirtilstruflanir, sjálfsofnæmissjúkdómar eða arfgengt hárlos geta kallað á læknisfræðilegt mat. Þess vegna er fagleg greining lykillinn. Ekki allt hárlos er eins og lausnin þarf að taka mið af orsökinni.

Með þolinmæði, fræðslu og réttri stuðningsmeðferð er hægt að byggja upp sterkara og heilbrigðara hár og þegar þörf krefur, leita sér sérfræðiaðstoðar. Ef þú vilt fylgja okkur eða senda fyrirspurn er hægt að finna okkur á samskiptamiðlunum undir nafninu: Regalofagmenn