Ó­lík úr­slit hjá Hafnafjarðarliðunum: Dagur tryggði ÍBV sigur á Ásvöllum

Dagur Arnarsson tryggði ÍBV 29-28 sigur á Haukum á Ásvöllum með marki á lokasekúndum leiksins.

Dagur var markahæstur hjá ÍBV með sjö mörk en Hákon Daði Styrmisson skoraði einnig sjö mörk. Sveinn José Rivera var síðan með sex mörk og Andri Erlingsson var með sjö stoðsendingar og tvö mörk.

Skarphéðinn Ívar Einarsson var markahæstur hjá Haukum með sjö mörk en þeir Össur Haraldsson og Freyr Aronsson skoruðu fimm mörk hvor.

Petar Jokanovic átti stórleik í Eyjamarkinu, var lengi vel með yfir fimmtíu prósent markvörslu og endaði með nítján skot varin.

Þetta var þriðji deildarsigur Eyjamanna í röð og þeir nálgast efstu liðin. Haukarnir misstu aftur á móti Valsmenn upp fyrir sig og eru því í öðru sæti.

Garðar Ingi Sindrason, verðandi leikmaður Gummersbach í Þýskalandi, átti mjög flottan leik fyrir norðan þegar FH-ingar unnu fimm marka sigur á Þór Akureyri.

FH vann leikinn 26-21 eftir að hafa verið einu marki yfir í hálfleik, 13-12.

Þetta var fjórði deildarsigur FH-liðsins í röð en þriðja heimatap Þórsliðsins í röð.

Garðar Ingi skoraði tíu mörk fyrir FH og var langmarkahæstur á vellinum. Jakob Martin Ásgeirsson var með fjögur mörk og þeir Birkir Benediktsson, Birgir Már Birgisson og Ómar Darri Sigurgeirsson voru allir með þrjú mörk. Þórður Tandri Ágústsson skoraði mest fyrir Þór eða fjögur mörk.