Sjáðu Yamal skora „besta mark tíma­bilsins“

Dani Olmo og Raphinha skoruðu fyrstu tvö mörkin en þau komu bæði eftir slakar sendingar hjá varnarmönnum Oviedo. Varnarmennirnir taka ekki jafn mikla sök á sig í þriðja markinu, það var einfaldlega tekið úr efstu hillu.

Lamine Yamal fékk fyrirgjöf frá vinstri kantinum og henti sér aftur á bak í glæsilega spyrnu. Boltinn söng í netinu og markið innsiglaði öruggan sigur.

„Besta mark tímabilsins og besta mark sem ég hef séð Yamal skora“ skrifaði textalýsandi Marca.

Barcelona tók eins stiga forystu á toppi spænsku úrvalsdeildarinnar með þessum sigri og komst aftur upp fyrir Real Madrid, sem vann Villareal í gær.