Tala látinna hækkar í lestarslysinu á Spáni

Slysið er það alvarlegasta sem orðið hefur í lestarkerfi spánar í rúman áratug. Það varð með þeim hætti að lest fór út af sporinu þar sem hún var í grennd við borgina Cordoba á leið til Madrídar. Farþegavagnar hennar lentu á teinunum við hliðina og þar skall önnur lest sem kom aðvífandi úr hinni áttinni á vögnunum með þessum skelfilegu afleiðingum. Alls voru um fjögurhundruð farþegar og starfmenn um borð í lestunum.

Samgönguráðherra Spánar segir atvikið afar undarlegt og að allir helstu sérfræðingar í lestarsamgöngum landsins skilji ekki hvernig þetta gat gerst því lestið sem fór út af sporinu var á beinni leið, en ekki í beygju þegar ósköpin dundu yfir. Flestir hinna látnu voru svo í fremstu vögnum lestarinnar sem kom á móti og skall á vögnunum sem fóru út af sporinu.

Uppfært klukkan 11:20:

Utanríkisráðuneytinu er ekki kunnugt um hvort íslenskir ríkisborgarar hafi verið um borð í lestunum sem lentu í slysinu, að því er segir í svari við fyrirspurn fréttastofu. Þá hafi engin íslenskur ríkisborgari haft samband við borgaraþjónustu utanríkisráðuneytisins til að óska eftir aðstoð vegna málsins.