Óli Stef greindi frá fjar­veru sonarins yfir lamba­læri hjá Þrótturum

Ólafur Stefánsson, pabbi Einars, greindi frá þessu í lambalærisveislu hjá Þrótti í Laugardalnum í hádeginu, þar sem hitað var upp fyrir EM með góðum gestum, en frá þessu var greint á RÚV.

Einar ræddi við Vísi á miðvikudagskvöld og virtist þá fullfrískur og klár í slaginn fyrir mótið en þarf nú að bíða um sinn.

Snorri Steinn Guðjónsson er með sautján manna EM-hóp í Kristianstad og því ljóst að einn leikmaður þarf að vera utan hóps í hverjum leik, því þar mega bara sextán leikmenn vera skráðir. Þorsteinn Leó Gunnarsson og Einar Baldvin Baldvinsson æfðu einnig með liðinu í aðdraganda mótsins, á Íslandi.

Hópur Íslands gegn Ítalíu:

Markmenn:

• Björgvin Páll Gústavsson, Valur (287/26)
• Viktor Gísli Hallgrímsson, FC Barcelona (75/2)

Aðrir leikmenn:

• Andri Már Rúnarsson, Erlangen (8/8)
• Arnar Freyr Arnarsson, Melsungen (107/115)
• Bjarki Már Elísson, Veszprém (128/426)
• Elliði Snær Viðarsson, Gummersbach (64/138)
• Elvar Örn Jónsson, Magdeburg (93/214)
• Gísli Þorgeir Kristjánsson, Magdeburg (75/171)
• Haukur Þrastarson, Rhein-Neckar Löwen (47/64)
• Janus Daði Smárason, Pick Szeged (100/177)
• Orri Freyr Þorkelsson, Sporting (32/106)
• Óðinn Þór Ríkharðsson, Kadetten Schaffhausen (58/178)
• Ómar Ingi Magnússon, Magdeburg (94/341)
• Teitur Örn Einarsson, Gummersbach (48/46)
• Viggó Kristjánsson, Erlangen (73/219)
• Ýmir Örn Gíslason, Göppingen (108/48)