„Þetta get ég og þarf að gera oftar“

„Þetta var erfiður leikur. Við vörðumst vel en þeir voru, eins og alltaf, stórhættulegir í skyndisóknum. Mér fannst við samt verjast vel en við vorum óheppnir að fá þessi tvö mörk á okkur, en á móti skoruðum við þrjú mörk þannig að ég er sáttur með það“ sagði Gyökeres um leikinn.

Gyökeres hafði ekki skorað í síðustu tíu leikjum fyrir Arsenal en hans síðasta mark var gegn Burnley í ensku úrvalsdeildinni þann 1. nóvember. Hann hefur nú skorað 8 mörk í 24 leikjum á tímabilinu.

„Þetta get ég og þarf að gera oftar. Við fögnum sigrinum og höldum áfram“ sagði Gyökeres.