Innlent

Sjö sækja um tvær lausar stöður

Árni Sæberg skrifar
Tvö embætti landsréttardómara eru laus.
Tvö embætti landsréttardómara eru laus. Vísir/Vilhelm

Sjö sóttu um tvær lausar stöður dómara við Landsrétt. Annars vegar er um að ræða skipun í embætti dómara við Landsrétt og hins vegar er um að ræða setningu í embætti. Á listanum er að finna fimm héraðsdómara, einn lögmann og einn dósent í lögfræði.

Í tilkynningu á vef Stjórnarráðsins segir að hinn 24. október 2025 hafi dómsmálaráðuneytið auglýst í Lögbirtingablaði tvö embætti dómara við Landsrétt laus til umsóknar.

Annars vegar skipun í embætti frá 1. janúar 2026 og hins vegar setningu hið fyrsta til og með 28. febrúar 2029.

Umsóknarfrestur rann út þann 10. nóvember síðastliðinn og umsækjendur séu eftirtaldir:

  • Eiríkur Elís Þorláksson dósent,
  • Halldóra Þorsteinsdóttir héraðsdómari,
  • Hildur Briem héraðsdómari,
  • Hulda Árnadóttir héraðsdómari,
  • Ingibjörg Þorsteinsdóttir héraðsdómari og dómstjóri,
  • Ragnheiður Snorradóttir héraðsdómari,
  • Þorbjörg I. Jónsdóttir lögmaður.

Umsóknir verði afhentar dómnefnd um hæfni umsækjenda um embætti dómara til meðferðar á næstu dögum.

Dómstólar

Mest lesið


Fleiri fréttir

Sjá meira


×

Mest lesið