Golf

Hlynur sigur­vegari á Forsbacka Open í Sví­þjóð

Árni Jóhannsson skrifar
Hlynur Bergsson með frábæran sigur á sterku móti í Svíþjóð.
Hlynur Bergsson með frábæran sigur á sterku móti í Svíþjóð. WAGR

Atvinnukylfingurinn Hlynur Bergsson úr GKG vann sinn fyrsta sigur á Nordic Tour mótaröðinni  sem talin er vera sú þriðja sterkasta í Evrópu. Hann hafði spilað á 17 mótum á árinu og hafði best náð níunda sæti.

Atvinnukylfingurinn Hlynur Bergsson úr GKG vann sinn fyrsta sigur á Nordic Tour mótaröðinni sem talin er vera sú þriðja sterkasta í Evrópu. Hann hafði spilað á 17 mótum á árinu og hafði best náð níunda sæti.

Leikið var á Forsback Golfclub vellinum og endaði Hlynur á 12 undir pari, einu höggi á undan Adam Wallin. Best gekk honum á fyrsta deginum þegar hann spilaði á 66 höggum en Hlynur var einu höggi frá Carl Annerfelt þegar fimm holur voru eftir en náði í þrjá fugla á lokasprettinum og tryggði sér sigurinn. 

Hlynur var í 52. mótaraðarinnar fyrir mótið en sigurin skaut kappanum upp í 25. sætið. Fimm efstu í lok mótaraðarinnar munu fá þátttökurétt á HotelPlanner mótaröðinni á næsta tímabili en þar spila þeir Haraldur Franklín Magnús, Guðmundur Ágúst Kristjánsson og Nick Carlson.

Golfsamband Íslands greindi frá sigrinum og fer nánar í saumana á gengi Hlyns í mótinu.




Fleiri fréttir

Sjá meira


×