Rashford mátaði treyjuna í leik sem átti ekki að fara fram

Rashford kom inn á sem varamaður í hálfleik, en var svo tekinn af velli á 78. mínútu. Dro Fernandez kom inn á í hans stað og skoraði þriðja mark Börsunga.

Englendingurinn gekk til liðs við Barcelona á láni frá Manchester United á dögunum. Þegar lánsdvölinni lýkur getur Barcelona keypt Rashford fyrir um 30 milljónir punda.

Leikur Vissel Kobe og Barcelona átti þó í mikilli hættu á að vera blásinn af. Síðastliðinn fimmtudag var greint frá því að Börsungar væru hættir við leikinn vegna alvarlegra samningsbrota skipuleggjenda. Hins vegar hefur náðst að greiða úr þeirri flækju og leikurinn fór fram, japönsku aðdáendum Barcelona til mikillar gleði.