Mögu­legir Evrópu­tollar á ís­lenskar vörur, lunda­stofn í rénun og Druslu­gangan

Fjallað verður um málið í hádegisfréttum Bylgjunnar nú klukkan tólf. Þar segjum við einnig frá átökum Taílands og Kambódíu, sem hætta er talin á að stigmagnist enn frekar og leiði af sér stríð. Það er þrátt fyrir ákall um vopnahlé af hálfu Kambódíu.

Þá heyrum við frá sérfræðingi hjá Nátturustofu Suðurlands, sem segir lundastofn landsins hafa minnkað um meira en helming á 30 árum, og að veiðar séu ósjálfbærar. 

Druslugangan verður gengin í dag, en skipuleggjendur segjast finna fyrir meiri samstöðu vegna göngunnar í ár en áður.

Þá heyrum við af Reykholtshátíð sem haldin verður í Reykholti í Borgarfirði um helgina, en þar iðar allt af lífi í aðdraganda hátíðar.

Ekki missa af hádegisfréttum Bylgjunnar í beinni útsendingu á Bylgjunni og Vísi á slaginu tólf.