Sport

Breiða­blik flýgur út á morgun: „Sama fé­lag en mjög langt frá því að vera sama lið“

Ágúst Orri Arnarson skrifar
Halldór Árnason er vel vanur því að fara með Breiðablik á Balkanskagann.
Halldór Árnason er vel vanur því að fara með Breiðablik á Balkanskagann. vísir

Breiðablik þurfti að sætta sig við jafntefli gegn Aftureldingu í gær og flýgur svo út á morgun til Albaníu fyrir leik liðsins gegn Egnatia í fyrstu umferð undankeppni Meistaradeildarinnar. Þjálfarinn Halldór Árnason segir þetta sannarlega sama félag, en alls ekki sama lið og Víkingur mætti fyrir ári síðan. 

„Það er ekki auðvelt að komast til Albaníu hvenær sem manni hentar þannig að það var einfaldast. Við fljúgum til Köben og þaðan yfir til Tirana [höfuðborg Albaníu] og þaðan til Durres þar sem við munum vera á hóteli, bær sem er mitt á milli Tirana og borgarinnar þar sem Egnatia er staðsett og leikurinn mun fara fram“ sagði Halldór Árnarson, þjálfari Breiðabliks, í samtali við Vísi.

Breiðablik hefur þurft að fara í löng ferðalög fyrir Evrópuleikina, í fyrstu umferðinni undanfarin ár hefur liðið farið til Svartfjallalands, Bosníu, Kósóvó og tvisvar til Norður-Makedóníu.

„Ég eyði sumrunum mínum meira og minna hérna, á þessum slóðum, sem er bara besta“ sagði Halldór, vel kunnugur staðháttum við Balkanskaga. 

Hann var hins vegar mjög ósáttur með síðasta leik liðsins fyrir ferðina til Albaníu, þegar Breiðablik gerði 2-2 jafntefli gegn Aftureldingu. 

Sjá einnig: „Þetta er kannski lægsta orku-level sem ég hef séð hjá liðinu í sumar“

Sama félag en allt annað lið

Helsti erkifjandi Breiðabliks, Víkingur, mætti Egnatia í fyrra og vann einvígið 2-1 samanlagt til að tryggja sér sæti í riðlakeppni Sambandsdeildarinnar. Halldór segir liðið hafa gjörbreyst frá því í fyrra, með mikilli endurnýjun á leikmannahópnum.

„Þetta er vissulega sama félag, en mjög langt frá því að vera sama lið. Ég held að það séu þrír leikmenn sem eru í hlutverki hjá þeim ennþá núna. Þannig að það er svosem ekkert á því að græða, að Víkingur hafi spilað við þá.

Þeir hafa breyst mikið þannig að við horfum meira í leikina hjá þeim nýlega. Þeir kláruðu tímabilið núna í maí, tryggðu sér titilinn í úrslitaleik. Þannig að við horfum bara í þá leiki og æfingaleikina sem þeir hafa verið að spila núna“ sagði Halldór, spurður hvort hann hafi séð veikleika hjá liðinu þegar Víkingur spilaði við það.

Leikur Egnatia og Breiðablik fer fram næsta þriðjudag klukkan sjö og verður í beinni útsendingu á Sýn Sport.


Tengdar fréttir

Uppgjörið: Afturelding-Breiðablik 2-2 | Meisturum Blika fataðist flugið

Íslandsmeistarar Breiðabliks fataðist flugið í Mosfellsbæ í kvöld þegar liðið missti 0-2 forystu úr greipum sér, lokatölur 2-2. Heimamenn í Aftureldingu náðu þar með að tryggja sér gott stig og færst því nær efri hlutanum í Bestu deildinni. Blikar urðu hins vegar af mikilvægum stigum í toppbaráttunni.

Sjáðu glæsimark Óla Vals og öll hin í Mosfellsbæ

Íslandsmeistarar Breiðabliks misstu niður 2-0 forystu gegn nýliðum Aftureldingar í 2-2 jafntefli liðanna í Bestu deild karla í fótbolta í gærkvöld. Heimavöllur Mosfellinga heldur áfram að skila þeim stigum.

Ásgeir og Hrannar heiðruðu Jota

Þeir Ásgeir Helgi Orrason, leikmaður Breiðabliks, og Hrannar Snær Magnússon, leikmaður Aftureldingar, fögnuðu báðir að hætti Diogo Jota í leik liðanna í Bestu deild karla í fótbolta í gær. Jota féll frá aðfaranótt fimmtudags.




Fleiri fréttir

Sjá meira


×