„Vonandi nær Svein­dís að skora, þá verður ferðin þess virði“

„Ég er meira spenntur en stressaður. Ég held að þetta verði góður leikur og mjög spennandi,“ sagði Rob Holding aðspurður um líðan sína fyrir leik.

„Vonandi nær Sveindís að skora, þá verður ferðin þess virði“ sagði hann einnig, staddur á stuðningsmannasvæði Íslands við Waisenhausplatz í Thun.

Holding hefur fylgst vel með liðinu í aðdraganda mótsins og var afar stoltur af Sveindísi þegar hún skoraði í æfingaleiknum gegn Serbíu síðasta föstudag, eins og Holding sagði sjálfur í viðtalinu sem má sjá hér fyrir ofan. 

Lítið stress er á Holding sem nýtir sumarfríið frá Crystal Palace vel og svælir niður nokkrum svellköldum með tengdamóður sinni í Sviss.