Rétturinn sem fær konurnar niður á hnén

„Ég ætla að sýna ykkur réttinn sem sannfærði Ástrós um að ég væri eiginmannsefni,“ segir Adam kíminn í færslu á Instagram og bætir við: „Þetta er uppáhaldsrétturinn hennar og eina ástæðan fyrir því að ég fæ að hanga í þessari íbúð sem við búum í er að ég elda þennan reglulega.“

Adam segir réttinn lykilinn að hjarta hverrar konu og hvetur karlmenn spreyta sig áfram í eldhúsinu.

„Strákar, ég ætla ekki að ljúga – það eru svona níutíu prósent líkur á að hún fari á hnén, ekki þannig, heldur með hring , til að biðja þig um að giftast sér eftir að þú eldar þennan rétt!“

Spicy rækjutakkó -uppskrift fyrir 4–6 manns. 

Guacamole

Hráefni:

Tvö til fjögur stór avókadó 

1 stk tómatur, saxaður

½ rauðlaukur, fínt saxaður

Kóríander, magn eftir smekk 

Safi úr einni límónu 

Salt og pipar, eftir smekk 

Aðferð:

Stappaðu avókadó og blandaðu öllu saman. Smakkaðu til.

Silkimjúk jalapenósósa

Hráefni:

Kóríander 

1 stk jalapeno, fræ eftir smekk

1-2 hvítlauksgeirar

Blandið saman í blandara. 

Bætið eftirfarandi hráefnum við:

1 msk majónes 

2–3 msk sýrður rjómi

Safi úr ½ lime 

Salt og pipar 

Blandað aftur þar til silkimjúkt.

Chilli rækjur

Hráfni:

Einn paki stórar rækjur- þerrið vel og setjið í skál.

Kryddið eftir smekk:

Chili-dufti

Cayenne pipar 

Tajín , má sleppa

Lauk- og hvítlaukskryddi 

Salt og pipar

Einn rifinn hvítlaukur

Ferskur kóríander

Aðferð:

Steikið á heitri pönnu í nokkrar mínútur á hvorri hlið, eða þar til þær eru bleikar og stökkar.

Tortillakökur

Hitið kökurnar á þurri pönnu í einni mínútu á hvorri hlið þar til þær eru mjúkar með litlum grillblettum.

Samsetning: 

Byrjaðu á að bera guacamole á hverja köku. Næst raðarðu rækjunum ofan á og toppar með sósu. Skreyttu með fersku kóríander og kreistu límónusafa yfir.