Innlent

Neita öll sök í Gufunessmálinu

Árni Sæberg skrifar
Maðurinn fannst illa haldinn á göngustíg við Gufunes í mars. Hann lést af sárum sínum á sjúkrahúsi.
Maðurinn fannst illa haldinn á göngustíg við Gufunes í mars. Hann lést af sárum sínum á sjúkrahúsi. Vísir/Anton Brink

Öll fimm sem ákærð eru fyrir aðild að Gufunessmálinu svokallaða neituðu sök þegar málið var þingfest í Héraðsdómi Suðurlands í morgun. Þrír karlmenn eru ákærðir fyrir að bana manni á sjötugsaldri, einn fyrir peningaþvætti og ein kona fyrir hlutdeild í frelsissviptingu og ráni.

Frá þessu segir á vef Ríkisútvarpsins. Líkt og greint hefur verið frá sæta þeir Stefán Blackburn, Lúkas Geir Ingvarsson og Matthías Björn Erlingsson ákæru fyrir manndráp frelsissviptingu, rán og fjárkúgun.

Í ákærunni er hrottalegu ofbeldi mannanna í garð karlmanns á sjötugsaldri lýst. Þeir hafi til að mynda brotið fimm tennur í manninum eftir að hafa numið hann á brott frá heimili hans.

Auk þeirra eru karlmaður og kona ákærð í málinu fyrir peningaþvætti og hlutdeild í frelsissviptingu og ráni. Hvorugt þeirra hefur náð tvítugsaldri.

Manndráp í Gufunesi Dómsmál Lögreglumál

Tengdar fréttir

Dæmdur fyrir líkamsárás á meðan hann er grunaður um morð

Sex mánaða skilorðsbundinn fangelsisdómur Lúkasar Geirs Ingvarssonar fyrir að hafa höfuðkúpubrotið mann í Hafnarstræti var staðfestur af Landsrétti í dag. Hann hefur einnig verið ákærður fyrir manndráp í Gufunesmálinu svokallaða.

Ákærðir fyrir manndráp, frelsissviptingu og rán

Ákærur fyrir manndráp, frelsissviptingu og rán á hendur þremur sakborningum í Gufunessmálinu svokallaða voru lagðar fram í þinghaldi í morgun, þar sem farið var yfir áframhaldandi gæsluvarðhald yfir tveimur þeirra. Ekki þurfti að fara fram á varðhald yfir þeim þriðja, þar sem hann afplánar nú eldri refsingu. Karl og kona eru einnig ákærð í málinu. 

Mest lesið


Fleiri fréttir

Sjá meira


×

Mest lesið