„Vinna í því að verða heims­meistarar á ný“

Tímabilið er rétt tæplega hálfnað, þar sem tíu keppnir eru búnar. Williams er í fimmta sæti í liðakeppninni með 55 stig sem er það besta sem Williams hefur gert á þessu stigi síðan 2017.

„Ég er hæstánægður með að hafa skrifað undir nýjan samning við Williams, sem hefur verið eins og heimili mitt frá því ég steig fyrst inn um dyrnar,“ sagði Vowles.

„Þetta sögufræga lið hefur þegar gefið mér frábærar minningar, og við erum öll saman í okkar vinnu að því að byggja upp okkar sögu og verða heimsmeistarar ný,“ sagði Vowles.

Williams á sér mikla sögu sem lið í Formúlu 1 en það er langt síðan liðið var meðal þeirra bestu. Liðið vann síðast keppni árið 2012, og urðu síðast heimsmeistarar árið 1997. Liðið á samtals 16 heimsmeistaratitla.