Magnús hjá Blue Car kaupir glæsiíbúð Bjögga Thors

Kaupsamningur milli þeirra var undirritaður þann 11. júní síðastliðinn. Eignin var auglýst til sölu í desember í fyrra þar sem óskað var eftir tilboðum. Félag Björgólfs keypti eignina árið 2022 og greiddi þá 310 milljónir króna.

Útsýnisíbúð við höfnina

Um er að ræða 198,9 fermetra íbúð á fimmtu og efstu hæð fjölbýlishúss sem var byggt árið 2019. 

Í lýsingu eignarinnar kemur fram að mikill metnaður hafi verið lagður í hönnun hússins og ekkert hafi verið sparað við byggingu þess. Sérstakt er að lyftan opnast beint inn í íbúðina, sem bætir við þægindin og einkar sérstöðu eignarinnar.